Түркология және Шығыс елдерінің тарихы кафедрасында Түркиядан келген профессордың қатысуымен ТДМ «Тұрақты даму серіктестігі» аясында семинар өтті.

ТДМ аясындағы ғылыми жұмыстардың сапасын арттыру мақсатында әл-Фараби атындағы ҚазҰУ-дың Шығыстану факультетінің Түріктану және Шығыс елдерінің тарихы кафедрасы магистранттар және докторанттармен Эскишехир Османгази университетінің профессоры, PhD докторы Феррух Ағжамен «Филология және фольклор саласындағы ғылыми мақалалар жазу ерекшеліктері» тақырыбында ғылыми семинар өткізді. Белгілі лингвист, профессор Феррух Ағжа 100-ден астам ғылыми жарияланымның авторы. Дәрістері аясында ол білім алушыларға ғылыми мақалаларға сілтеме жасау және академиялық басылымдармен жұмыс істеу әдістерімен таныстырды. Магистранттар мен докторанттар ғылыми жұмыстарды жазу және жетілдіру үдерісін тереңірек түсінуге ықпал ететін сұрақтар қойды, бұл олардың зерттеу қызметінің сапасын одан әрі жақсартуға көмектеседі деуге негіз бар. Белсенді қатысқандардың барлығына алғыс білдіреміз және алған білімдеріңіз ғылыми жұмыстарыңызда пайдалы болады деп сенеміз!

 Э.З. Дулаева 
А. Халел

Түріктану және Шығыс елдерінің тарихы кафедрасы