«Бақытқа жету жолы» тақырыбында дөңгелек үстел өтті.

Халықаралық қатынастар факультетінде Қазақ хандығының 550 жылдығы мен «ҚазҰУ студенті оқуға тиіс 100 кітап» бағдарламасы аясында «Жас дипломаттар» зияткерлік клубы мен «Кіші Фараби академиясы» бірлесе отырып ұйымдастырған әл-Фарабидің «Бақытқа жету жолы» атты трактатын талқылауға арналған дөңгелек үстел өтті.

Әл-Фараби өзінің шығармаларында бақытқа жету жолының ауыр екенін ерекше аңғартады. Дөңгелек үстел барысында халықаралық қатынастар, философия және саясаттану және шығыстану факультеттерінің студенттері өзара пікір алмасып, талқылауға түскен тақырып айналасында қызу пікір талас өрбітті. Іс-шара соңында студенттер бақытқа жету жолында өмір бойы игі іс-әрекеттер таңдау еркіндігі мен изгі ниетпен қатар жүруі керек деген байламға келді. Игі іс-әрекеттердегі кездейсоқтық пен тұрақсыздық, мәжбүрлеу бақытқа бастар жол емес.

«Жас дипломаттар» зияткерлік клубының жетекшісі, т.ғ.к., доцент Бюжеева Б.З.

«Кіші Фараби академиясының» жетекшілері Асқар.Л.Ә, Сүлейменов П.М.