«Computational and Information Technologies in Science, Engineering and Education» Халықаралық ғылыми-тәжірибелік конференциясы (CITech-2024)

2024 жылғы 23–24 қазан аралығында әл-Фараби атындағы Қазақ ұлттық университеті, Қазақстан Республикасының Ұлттық инженерлік академиясы, Түркі әлемі математикалық қоғамы (TWMS), Қазақстан математикалық қоғамы, Математика және математикалық модельдеу институты физика-математика ғылымдарының докторы, профессор, ҚР ҰИА академигі Шалтай Смағұлұлы Смағұловтың 75 жылдығына және Әл-Фараби атындағы Қазақ ұлттық университетінің 90 жылдығына  арналған «Ғылым, техника және білім берудегі есептеу және ақпараттық технологиялар» (CITech–2024) дәстүрлі Халықаралық ғылыми-тәжірибелік конференциясын өткізеді.

Конференцияның мақсаты – тәжірибе алмасу, ғылым, техника және білім берудің әртүрлі салаларында есептеу және ақпараттық технологияларды қолдану аясындағы мәселелерді жетекші сарапшылармен талқылау, іргелі және қолданбалы математикалық зерттеулердің соңғы нәтижелерімен танысу, сондай-ақ халықаралық ғылыми және техникалық ынтымақтастықты кеңейту.

Конференция жұмысының негізгі бағыттары:

1. Математикалық және компьютерлік модельдеу
2. Есептеу ғылымдары және жоғары өнімді есептеу
3. Салалар бойынша ақпараттық және коммуникациялық технологиялар
4. Функциялар теориясы және функционалдық талдау
5. Дифференциалдық теңдеулер және басқару теориясы
6. Алгебра, математикалық логика және геометрия
7. Актуарлық математика және статистика
8. Теориялық және қолданбалы механика
9. Ғарыштық технологиялар және робототехникалық жүйелер

Конференцияның өткізілу орны:

Пленарлық отырыстар әл-Фараби атындағы Қазақ ұлттық университетінің кітапханасында өтеді. Мекенжайы: 050004, Қазақстан Республикасы, Алматы қаласы, әл-Фараби даңғылы, 71/27.

Секциялық отырыстар әл-Фараби атындағы Қазақ ұлттық университетінің механика-математика факультетінде өтеді. Мекенжайы: 050004, Қазақстан Республикасы, Алматы қаласы, әл-Фараби даңғылы, 71/23.

Алматы қаласы – Іле Алатауының етегінде орналасқан Қазақстандағы ең үлкен қала. Бұл кең көшелері, әдемі ғимараттары, көптеген саябақтары мен алаңдары бар шуақты, жасыл қала. Қаланың бай тарихы көптеген көрікті орындарда, тарихи мәдени және тарихи ескерткіштерде, қаланың қарама-қарсы сәулетінде - бекініс стиліндегі көне ғимараттардан ультра заманауи биік кешендерге дейін көрініс табады. Мұнда әлемге әйгілі «Медеу» мұз айдыны, Шымбұлақ тау шаңғысы стансасы, альпинизм және туристік лагерьлер, демалыс орындары, демалыс үйлері мен кемпингтер орналасқан. Көктөбе – қаладағы тау, теңіз деңгейінен 1100 метр биіктікте орналасқан. Таудың етегінде 350 метрлік теледидар мұнарасы бар және оны теңіз деңгейінен өлшейтін болсақ, ол әлемдегі ең биік мұнара болып табылады. Мөлдір су таситын бірнеше өзен қала арқылы ағып өтеді. Конференцияны өткізу үшін қазан айы, конференцияны Алматыда өткізуге ең қолайлы маусым болып таңдалды.

Конференцияның жұмыс тілдері: ағылшын, қазақ, орыс.

Барлық қосымша ақпаратты https://acagor.kz/citech-2024 конференция сайтынан қарай аласыздар.

Ұйымдастыру комитетінің байланыс мәліметтері:

тел.: +7 (727) 2915290

e-mail: citech2020@mail.ru