«ҚазҰУ хабаршысы. Дінтану сериясы» жаңа 2 сериясының тұсаукесері өтті

Шет тілдер және іскерлік карьера университетінде «ҚазҰУ хабаршысы. Дінтану сериясы» жаңа 2 сериясының тұсаукесері өтті

«ҚазҰУ хабаршысы. Дінтану сериясы» дін тарихы мен теориясын, дінтанудың өзекті мәселелерін зерттеуге бағытталған Қазақстандағы тұңғыш ғылыми шығарылым.

Қазақстаннан өзге Ұлыбритания, Канада, Түркия елдерінің дінтанушы ғалымдарынан құралған халықаралық редакция алқасын философия ғылымдарының докторы, профессор Байтенова Нағима Жаулыбайқызы басқарады.

Таныстырылым шеңберінде Философия және саясаттану факультеті деканының ғылыми-инновациялық қызмет және халықаралық ынтымақтастық жөніндегі орынбасары Бекжан Мейрбаев, профессор Нағима Байтенова Шет тілдер және іскерлік карьера университетінің ректоры Сабри Хизметлиге, тарих және дінтану кафедрасының меңгерушісі У.К. Әбдіхалықовқа кітапхана қорына арнап, ҚазҰУ-дың дінтану және мәдениеттану кафедрасының оқытушылары әзірлеген өзге де ғылыми басылымдарды тапсырды.

Дінтану және мәдениеттану кафедрасы