ТДМ 5 - Гендерлік теңдік мақсаты бойынша Әйелдердің қоғамдағы рөлі.

2024 жылдың 8 қазанында Картография және геоинформатика кафедрасының, геодезия және картография мамандығының 4 курс студенттерімен ТДМ 5 – Гендірлік теңдік мақсаты бойынша Әйелдердің қоғамдағы рөлі тақырыбында ашық сабақ өткізілді. Сабақ Тұрақты даму мақсаттарының бірі ретінде гендерлік теңдікті талқылап, әйелдердің әртүрлі саладағы рөлін зерттеуге бағытталған.

       Сабақ барысында талқыланған мәселелер:

1. Әйелдердің қоғамдағы рөлі: Қатысушылар әйелдердің ғылым, техника, экономика және саясат салаларындағы рөліне шолу жасады. Әйелдердің көшбасшылық қасиеттері мен олардың шешім қабылдау процесіне ықпалы туралы пікірталастар болды.
2. Гендерлік теңдік және тұрақты даму: Гендерлік теңдіктің тұрақты даму мақсаттарына қол жеткізудегі рөлі талқыланды. Әйелдердің құқықтары мен мүмкіндіктерін кеңейту арқылы қоғамның әлеуметтік-экономикалық жағдайын жақсартуға болатыны айтылды.
3. Әйелдердің құқықтары мен теңдікке жетудегі кедергілер: Қатысушылар әйелдердің жұмысқа орналасу, білім алу және құқықтарының жүзеге асырылуы жолындағы қиындықтарды қарастырды. Гендерлік стереотиптердің қоғамдағы орны мен оның салдарын талқылады.
4. Халықаралық тәжірибе: Әлемнің әртүрлі елдеріндегі гендерлік теңдік жағдайы мен тәжірибесі зерттеліп, Қазақстандағы жағдаймен салыстырылды. Қазақстандағы гендерлік теңдікке қол жеткізу бағытындағы іс-шаралар мен реформалар да назарға алынды.

       Ашық сабақ гендерлік теңдік мәселесін терең талдауға мүмкіндік берді. Гендерлік теңдік пен тұрақты даму арасындағы тығыз байланыс анықталды, және қатысушылар бұл бағыттағы білімдерін әрі қарай тереңдетуге ынта білдірді.