Ұстаз – дана, бірегей тұлға. Бүгінгі шәкірт – ертеңгі ұстаз

Тұрақты даму мақсаттары шеңберінде №17. Тұрақты даму үшін серіктестік

Алматы қаласы Білім басқармасының басшысы мен тәжірибелі ұстаздар болашақ тарихшылармен кездесті

15 қазан күні Алматыда «Ұстаз – дана, бірегей тұлға. Бүгінгі шәкірт – ертеңгі ұстаз» атты тақырыпта кездесу өтті. Іс-шараға Алматы қаласы Білім басқармасының басшысы Дәурен Наурызбаев, Момұнтаева Ләззат Бақытбекқызы, Қамысбаева Кәтира Балабекқызы сынды білікті ұстаздар қатысып, өз тәжірибелерімен бөлісті.

Тарих факультетінің профессор-оқытушылар құрамы мен студенттеріне арналған бұл кездесуде спикерлер ұстаздық мамандықтың маңыздылығын атап өтіп, болашақ мұғалімдерге бағалы кеңестер берді. Кездесу барысында ұстаздардың кәсіби шеберлігін арттыру, оқушылардың білімге деген қызығушылығын ояту, жаңа технологияларды оқу үдерісіне енгізу сияқты мәселелер талқыланды.

Ұйымдастырушылар: Дүниежүзі тарихы, тарихнама және деректану кафедрасының профессорлары Р.С. Мырзабекова, К.К. Кунапина және Қазақстан тарихы кафедрасының профессорлары Е. Ноянов, Ж. Арынов.