“Тілім менің қасиетім, қазынам” атты құттықтау-бейнеролигі

📌22.09.24 ж. Философия және Саясаттану факультеті Дінтану және  Мәдениеттану кафедрасы Дінтану мамандығы бойынша 1 курс студенттері, куратор-эдвайзерлері Қаңтарбаева Жанна Орынбасарқызының ұйымдастыруымен ҚР халықтарының тілдері күніне орай “Тілім менің қасиетім, қазынам” атты құттықтау-бейнеролигін түсіріп жариялады.

Бейнероликтің мақсаты - тілдің қадір-қасиетін насихаттау, қазақ тілінің байлығын көрсетіп, оны құрметтеу. Сондай-ақ, бейнероликте өзге тілдердің маңызы да атап өтілді. Студенттер елімізде сөйлейтін басқа этнос өкілдерінің тілдеріне, мәдениетіне, дәстүрлеріне құрметпен қарап, көптілділіктің еліміз үшін маңыздылығын жеткізді.

Бейнероликтің ерекшеліктері:

Көптілділік: Студенттер бейнероликте қазақ тілінен бөлек, орыс, ағылшын және басқа да тілдерде құттықтаулар мен тілдің қадірі туралы ойлар айтты.

Мәдениет: Әр тілдің өзіне тән ерекшеліктері мен мәдени аспектілері бейнеленді. Студенттер әр тілдің сөздік қоры мен әуезділігін көрсете отырып, көп мәдениетті қоғамның маңыздылығын атап өтті.

Ұлттық бірлік: Бейнероликте тілдердің көптігі мен әр алуандылығы еліміздің байлығы болып саналатыны, және ұлттың бірлігі үшін маңызды екені көрсетілді.

Студенттеріміздің осындай шығармашылық жұмыстары болашақта еліміздің мәдениетін, тілін насихаттау бағытында жаңа жобалардың негізі болып табылады.