«Егеменді елдің көк байрағы» тақырыбындағы дөңгелек үстел

2024 жылғы 22 қазан күні Әл-Фараби атындағы ҚазҰУФилософия және саясаттану факультетінде 25 қазан – Республика күніне арналған дөңгелек үстел өткізілді. Іс-шараны ұйымдастырушылар «Педагогика және психология», «Әлеуметтік педагогика» мамандықтары бойынша білім алушы докторанттар және «Әлеуметтік педагогика және өзін-өзі тану» мамандығы 4 курс студенттері. 

Дөңгелек үстелдің модераторы докторант М.Б.Амирканов қатысушыларды – «Педагогика және білім беру менеджмент» кафедрасының оқытушылары А.Қ.Дүйсенбаев, Э.Т. Баярыстанова, А.С. Акрамова, Қ.Ш. Молдасан, Алматы қаласының № 205 жалпы білім беретін мектептің тарих пәнінің мұғалімі А.Д.Өтегенов, университеттің дайындық бөлімінде оқып жатқан шетелденкелген қандастар Е.Әділет, Қ.Мекенбек, Т.Кемелнұр, - іс-шараның мақсатымен таныстырып, баяндамашыларға сөз берді.

 Студенттердің «Ұлттық құндылықтар – ұлт қазынасы» (Н.Ибатолла),  «Рәміздер – киелі құндылық» (К.Олжабаева), «Заманауи жастардың этносаралық толеранттылығы» (Б.Өксікбай) тақырыптарына дайындалған  баяндамалары тыңдалған соң, тақырып аясында пікір алмасу, сұрақ-жауап ойыны ұйымдастырылды, сондай-ақ күй тартылып, патриоттық өлеңдер оқылды.

Дөңгелек үстел жұмысын Педагогика және білім беру менеджменті кафедрасы меңгерушісінің ғылыми-инновациялық жұмыс және халықаралық байланыстар жөніндегі орынбасары А.Қ.Дүйсенбаев қорытындылап, мерекенің маңыздылығына және осындай іс-шаралардың жастарға патриоттық тәрбие берудегі рөліне тоқталды.