Шығыстану факультетінің студенттері ТДМ «Сауықтыру және жақсы өмір сүру» аясында "Ақ кеме" қойылымын тамашалады

2024 жылдың 18 қазанында Шығыстану факультетінің студенттері аға куратор-эдвайзері А.А. Еслямгариевтың ұйымдастыруымен Ғабит Мүсірепов атындағы Қазақ мемлекеттік академиялық балалар мен жасөспірімдер театрына "Ақ кеме" қойылымын көруге барды. Бұл мәдени іс-шараға факультеттің түрлі курстарында оқитын студенттер белсенді қатысты.

Іс-шара Тұрақты даму мақсаттары — «Сауықтыру және жақсы өмір сүру» шеңберінде жүзеге асырылып, студенттердің мәдени құндылықтарын арттыру мен рухани дамуын қолдауға бағытталған. "Ақ кеме" қойылымы жастарға салауатты өмір салтының маңыздылығын түсіндіріп, олардың психологиялық әл-ауқатын жақсартуға ықпал етті.

Қойылымнан кейін студенттер алған әсерлерімен бөлісіп, театр өнерінің білім мен тәрбиедегі рөлі туралы өзара пікір алмасты. Бұл шара мәдениет пен өнерге деген қызығушылықты арттырып, олардың рухани дамуына үлкен үлес қосты.

Шығыстану факультеті осындай іс-шараларды жалғастырып, студенттердің рухани байлығын, мәдениетке деген сүйіспеншілігін дамытуға бағытталған жұмыстарын одан әрі жалғастыруды жоспарлап отыр.