«Туған жерім отаным» атты әскери – патриоттық әндер фестивалінің көрсетілім байқауы өтті

Алматы қаласы жоғары оқу орындарының арасында өткен «Туған жерім отаным» атты әскери – патриоттық әндер фестивалінің көрсетілім байқауы осы жылдың қазан және қараша айларында өтті. Бұл байқауға өз бақтарын сынау үшін жүзден жүйрік, мыңнан тұлпар жас әншілер қатысып, бақтарын сынады. Фестивальге ҚазҰУ атынан біздің талантты әншілеріміз қатысқан болатын. Олар, Филология және әлем тілдері факультетінің 3-курс студенті Құрметқызы Әлия топ ішінен оза шауып ІІ орынды қанжығасына байласа, ал Механика-математика факультетінің 3-курс студенті Мекесов Шәмшінұр ІІІ орынға ие болды. Сонымен қатар ән байқауы бойынша, Химия факультетінің 2-курс студенті Қапар Анель дипломмен марапатталды.

Студенттер клубы