Ұлттық кітапханада Ә. Нұрпейісовтың 100 жылдығына арналған халықаралық конференция өтті

2024 жылы 15 қазан күні «Тұрақты даму мақсаттары» бағдарламасының аясында Ұлттық кітапханада Ә.Нұрпейісовтың 100 жылдығына арналған халықаралық конференция болып өтті. Аталмыш конференцияға белгілі тарихшы ғалым әл-Фараби атындағы ҚазҰУ-ң Қазақстан тарихы кафедрасының меңгерушісі, ҚР ҰҒА академигі, Кәрібаев Берекет Бақытжанұлы қатысып баяндама жасады.

Ә. Нұрпейісовтың туғанына 100 жыл толуына арнайы  ұйымдастырылған бас қосуда баяндамалар оқылып, конференция тақырыптарын қамтитын мәселелерді өскелең ұрпаққа жеткізу, оны насихаттауды мұрат етіп қойылған тақырыптар талқыланды. Шараға қатысқан қонақтар тақырып аясында қозғалған мәселелер төңірегінде өз сауалдарын қойып, лайықты жауап алысып, сұқбат түрінде бас қосу жиыны қызықты өтті.