ҚазҰУ-да кітапханашылар күні: мереке, кітап жәрмеңкесі және марапаттар!

Тұрақты даму мақсаттары шеңберінде №17. Тұрақты даму үшін серіктестік

24 қазанда әл-Фараби атындағы Қазақ ұлттық университетінің әл-Фараби кітапханасында кітапханашылар күніне арналған мерекелік іс-шара өтті.

Бұл күні кітапхана кітап сүйер қауым үшін нағыз тартымды орталыққа айналды. Қонақтарды баспалардың қызықты жәрмеңкесі күтіп тұрды, онда әдебиет жаңалықтарын сатып алуға және баспа үйлерінің өкілдерімен тілдесуге мүмкіндік туды.

Тарих факультетінің Дүниежүзі тарихы, тарихнама және деректану кафедрасының студенттері кітапхана қызметкерлеріне арнап жарқын құттықтау концертін дайындады. Академиялық мәселелер жөніндегі проректор Қазмағамбетов А. кітапханашыларды жылы лебіздермен құттықтады.

Іс-шара аясында университет студенттері арасында өткізілген байқаудың қорытындысы шығарылды. Дүниежүзі тарихы, тарихнама және деректану кафедрасының 1-курс студенті Аскар Енлік құрметті 2-орынды иеленіп, бағалы сыйлықтармен марапатталғанын атап өткен жөн.

Дүниежүзі тарихы, тарихнама және деректану кафедрасының жауапты оқытушылары: Алпыспаева Н.К., Туенбаева К.Т., Асанова Б.С. және Ходжабай М.