ҚазҰУ профессоры Румыния университетінде дәріс берді

2024 жылдың 21-25 қазан аралығында әл-Фараби атындағы ҚазҰУ Халықаралық қатынастар факультеті, Дипломатиялық аударма кафедрасының профессоры, филология ғылымдарының кандидаты Сейдикенова Алмаш Смайылқызы Румынияның Галати қаласындағы Дунай университетінде Эразмус бағдарламасы аясында шақырылған профессор ретінде магистранттар мен студенттерге дәріс оқыды. Ол Қазақстандағы білім беруді интернационалдандыру, аударма мәселелері және шетелдіктерге арналған бағдарламалар туралы ақпарат берді. Магистранттар мен студенттер дәріске үлкен қызығушылық танытып, әртүрлі сұрақтар қойып, өзара пікір алмасты.

Профессор Сейдикенова А.С. 2019 жылдан бастап осы университетпен және профессор Алина Ганиа (Alina Ganea) арқылы байланыс орнатып, студенттер мен магистранттарды оқуға жіберіп келеді. Аударма мамандығының магистранты Абирова А. (2020 ж.) және Өмірзақ Диана (2022 ж.) Эразмус бағдарламасы аясында бір семестр бойы Галати университетінде білім алды. Іссапар барысында профессор халықаралық ынтымақтастық бөлімі, профессор-оқытушы құрамы және халықаралық байланыстар жөніндегі проректор Артур-Виорел Тулушпен (Arthur-Viorel Tuluș) кездесу өткізді. Кездесу барысында алдағы уақыттағы өзара ынтымақтастықты нығайту, академиялық алмасу және қос дипломдық бағдарламаларды іске асыру жөніндегі мәселелер талқыланды. Проректор Тулуш мырза Галати университетінің делегациясы Қазақстанға баруға қызығушылық танытып отырғанын жеткізді. Алдағы уақытта өзара ынтымақтастықтың жаңа бағыттары ашылатынына сенімдіміз.