PR мамандығын дамытуға байланысты келелі кездесу

Әл-Фараби атындағы Қазақ ұлттық университеті журналистика факультеті ЮНЕСКО, халықаралық журналистика және қоғаммен байланыс кафедрасының ұйымдас­тыруымен «Қазақстандағы PR-білім берудің өзекті мәселелері» атты Халықаралық ғылыми-тәжірибелік конференция болып өтті.

Шараны журналистика факультетінің деканы Сағатбек Ме­деу­бекұлы ашып, конференция жұмысына сәттілік ті­леді. Мұнан кейін жиынды кафедра меңгерушісі Назгүл Шыңғысова жүр­гізіп отырды. Конференцияның мақсаты – «Қоғаммен байланыс» мамандығы бо­йынша талапкерлер үшін қабылдау емтиханының мазмұны мен форма­сын өзгертуге байланысты және ма­мандық бойынша білім берудің өзге де өзекті мәселелерін талқылау. Маман­дыққа түсу үшін тандау пәні геогра­фия болғандықтан, бұл пәнді таңда­ған талапкерлердің басым бөлігі мақ­сатты түрде географиялық, геоло­гиялық бағыттағы, «туризм» және т.б. мамандықтарға бағдарланады.

ЮНЕСКО, халықаралық журналистика және қоғаммен байланыс кафедрасының меңгерушісі Н.Т. Шыңғысова: «PR-ма­манының кәсіби құзіреті – комму­ни­кативтілік, креативтілік, шығарма­шы­лық көзқарас, жазу қабілеті, іскерлік қарым-қатынас, сөйлеу мәдениеті, ше­шендік өнер, көпшілікпен тез тіл табысу, идеяларды тәжірибе жүзінде жүзеге асыру екендігі мәлім. «Қоғам­мен байланыс» мамандығына түсу үшін география пәнінің қажеттілігі талапкерлерді басқа мамандық таң­дауға мәжбүрлейді. Сондықтан мамандыққа қабылдау шығармашылық негізде жүзеге асырылғаны дұрыс», - дейді.

Шара соңында «Қоғамдык бай­ла­ныс» мамандығы Білім және ғылым министрлігінің жоғары оқу орын­да­рына Қабылдау Ережесіне осы ма­мандықты тандаған талапкерлерді шы­ғармашылық конкурс арқылы қа­былдау ту­ралы Қарар қабылданды.

Студенттік баспасөз Орталығы