Қытайтану кафедрасында «Сапалы білім» ТДМ-ы аясында бітіруші курс студенттеріне ғылыми семинар өтілді

2024 жылдың 17 қазанында шығыстану факультеті қытайтану кафедрасының аға оқытушысы, PhD Мадиев Данияр Арипбайұлы «Ғылыми зерттеу негіздері: Ғылыми әдіске кіріспе және оның қолданылуы» атты тақырыпта 4 курс студенттеріне ғылыми семинар өткізді. Семинардың мақсаты – студенттерді ғылыми-зерттеу жұмысына баулу, олардың шығармашылық белсенділігін дамыту және өзіндік зерттеу жұмысын жүргізу қабілетін арттыру.

Семинар барысында лектор студенттерді диплом жұмысының жазылу талаптарымен, диплом жұмысын орындау барысында алдыға қоятын мақсаттармен таныстырды. Сонымен қатар, студенттердің бітіру жұмысының нәтижесінде орындауға тиісті міндеттерге ерекше тоқталып өтті. Семинар жұмысы студенттер тарапынан үлкен қызығушылық тудырды. Студенттер диплом жұмысының мазмұнына, құрылымына, өңдеуіне қатысты бірқатар сұрақтарын қойды. Семинардың нәтижесінде студенттер өзіндік зерттеу жұмысының сапасын арттыруға мүмкіндік беретін өте құнды кеңестер алды.