ҚазҰУ түлектері жатақханаға асүй жиһазын сыйға тартты

Әл-Фараби атындағы Қазақ ұлттық университетінің журналистика факультетіне тиесілі №5 жатақханаға биыл – 50 жыл. Осы айтулы датаға орай, «Түлектер күні» ұйымдастырылып, студенттер үйіндегі асханаға жаңадан заманауи жиһаз орнатылды.

Жаңа асүй жиһазын журналистика факультетін 2004 жылы бітірген түлектер тарту етті. Білім алушы жастардың емін-еркін ас дайындаулары үшін жаңадан асүй сантехникасы мен электронды плита қойылған.  Сонымен қатар бұған дейін университет тарапынан жатақханаға студенттердің игілігі үшін жаңадан тоңазытқыш қойылған болатын.

Іс-шараға әр жылдары факультетті бітірген түлектер, мемлекет және қоғам қайраткерлері, белгілі тележурналистер, оқытушы-профессорлар құрамы мен студенттер жиналды.

Жиын соңында 2014 жылы бітірген түлектер ұйымдастырған 1-4 курс студенттері арасында «Саяси журналистика»  байқауының  қорытындысы жарияланды.

Әл-Фараби атындағы ҚазҰУ-дың Баспасөз қызметі