Ә.Қастеев атындағы Қазақстан Республикасының Мемлекеттік өнер музейіне экскурсия

Тұрақты даму мақсаттарының (ТДМ) №11 "Тұрақты қалалар және елді мекендер" бағыты аясында Археология, этнология және музеология кафедрасы мен Ә.Қастеев атындағы Қазақстан Республикасының  Мемлекеттік өнер музейі бірігіп, студенттерге экскурсия ұйымдастырды. 2024 жылы 2 қазан күні Археология, этнология және музеология кафедрасының оқытушылары доцент Г.Мейірманова, т.ғ.к. Қ.Баудиярова Ә.Қастеев атындағы Қазақстан Республикасының  Мемлекеттік өнер музейіне Латиф Қазбековтың «Қағаз әлемдері» және Андрей Бистидің «Темір мысқыл» атты экспозициямен 2-4 курс студенттерін таныстырды. Көрмеге авторлық қағаздағы 111 акварельді, бедерлі композициялар мен тушь суреттері, иллюстрациялар және 40 мүсін қойылған.