Шығыстану факультеті «Ең таза бөлме» байқауының қорытындысын шығарды

        Жатақхана бөлмелерінде тазалық пен тәртіпті сақтауға бағытталған шығыстану факультетінде жыл сайын ұйымдастырылатын «Ең таза бөлме» байқауының аяқталғанын қуана хабарлаймыз. Байқау 11-21 қазан аралығында студенттік кеңестің ұйымдастыруымен өтті. Студенттік кеңес мүшілері бөлмелерді тазалық пен кеңістікті ұтымды пайдалану негізінде бағалады.

        Мұқият іріктеуден кейін 413Б бөлмесі жеңімпаз атанды. Оның тұрғындары мінсіз ұйымдастырушылық танытып, барлық студенттерге үлгі болды. Жеңімпаздар сыйлық ретінде «Magnum» дүкеніне 5000 теңгелік сыйлық картасын алды.

       Барлық қатысушыларға жатақханадағы жайлылық пен тазалықты сақтауға ұмтылыстары үшін алғыс айтамыз. Бұл байқау барлығымызды өмір мен оқу үшін жайлы және жағымды кеңістік жасауға шабыттандырады.