ТДМ-4. ECG президенті мен журналистика факультеті ынтымақтастық меморандумына қол қойды 

Еуразия креатив гильдиясының президенті Марат Ахмеджановпен  (Ұлыбритания, Лондон) журналистика факультеті арасында ынтымақтастық меморандумына қол қойылды. 

Еуразиялық Шығармашылық Гильдиясы (Eurasian Creative Guild) 2015 жылы Лондонда Еуразия аймағының шығармашылық адамдарын ағылшын тілді кеңістік аясында  біріктіру және насихаттау мақсатында құрылған коммерциялық емес қоғамдық ұйым. ECG  қызметінің негізгі бағыты әлемнің түрлі елінде фестивальдар, әдеби-шығармашылық байқаулар, конференциялар және басқа да іс-шараны ұйымдастыру және өткізу. ECG аясында шығармашылық адамдары жаңа жобаларды талқылауға, өз жұмысын ұсынуға, сондай-ақ әріптестерінің жұмысымен танысуға және халықаралық деңгейге шығуға мүмкіндігі зор. Қазірде Гильдияға әлемнің 73 елінен 3000-нан астам шығармашылық адамдары мүше.