ТДМ 4. Сапалы білім беру

2024 жылғы 24 қазанда Талғар ауданы Бесағаш ауылы №45 мектеп-гимназиясының 10-сынып оқушысы Бірлес Ерден әл-Фараби атындағы Қазақ ұлттық университетіне барып, «Сенсорлы ажаратып қосқыштар» жобасымен оқушылар арасындағы «Дарын» ғылыми байқауына қатысуға дайындық шеңберінде ғалымдардан кеңес алды. Бірлес бұл сапарында, ТДМ №4 «Сапалы білім» аясында, қатты дене физикасы және жаңа материалдар технологиясы кафедрасының доцент м.а. Жасулан Накысбековтен бағыт-бағдар алды.

Сапар барысында ғалым жас зерттеушіге факультеттегі ғылыми қондырғыларды көрсетіп, эксперименттермен таныстырып, жобасы бойынша сұрақтарына жауап берді. Накысбеков Жасуланның айтуынша, мұндай кездесулер – оқушыларды ғылымға қызықтырып, жаңа білімге ұмтылуға шабыттандыратын маңызды қадам.