Алматы қаласы әкімдігінің «Тәуелсіздік ұрпақтары» байқауында ҚазҰУ магистранты танымдық ұзақ өмір сүру мен эмоционалдық үйлесімділікті сақтау бойынша ғылыми-тәжірибелік жобасын ұсынды

    Алматы қаласы әкімдігінің «Тәуелсіздік ұрпақтары» байқауында «7М05113 Нейрология» мамандығының 2 курс магистранты Исағали Асылнұр танымдық денсаулықты сақтау және эмоционалдық үйлесімділікті нығайту бойынша ғылыми-тәжірибелік жобасын ұсынды.

    Жобаның тақырыбы: «Ересектер үшін ми фитнес: когнитивті ұзақ өмір сүру және эмоционалдық үйлесімділік», когнитивтік денсаулық пен эмоционалдық салауаттылықты сақтауға бағытталған. Болашақ нейробиолог ересектердің когнитивті функциялары мен эмоционалдық тұрақтылығын қолдау және жақсарту бағдарламасын әзірлеуді ұсынады. Бағдарлама нейропластикалық, ЭЭГ ырғағының когеренттілігі және атқарушы бақылау бойынша ғылыми зерттеулерге негізделген. Бағдарламаға жеке когнитивтік тренинг, ЭЭГ көмегімен психофизиологиялық талдау және эмоционалды коучинг кіреді.

    Мақсатты аудитория – когнитивті денсаулықты сақтауға мүдделі 35-55 жас аралығындағы ересектер, жасына байланысты өзгерістер немесе кәсіби шамадан тыс жүктеме салдарынан стресс пен когнитивті қиындықтарды бастан кешіретін адамдар.

     Жобаның мақсаттары: когнитивтік функцияларды (зейін, есте сақтау, атқарушы функциялар) жақсарту және эмоционалды әл-ауқаттылықты нығайту үшін жаттығуларды әзірлеу және сынау.

    Ми фитнес бағдарламасының тиімділігі E-Prime ортасында сауалнамалар мен мінез-құлық тапсырмаларын қолдану арқылы жазылған ЭЭГ объективті параметрлері және когнитивтік функциялардың психометриялық көрсеткіштері арқылы бағаланатын болады.

    Жобаға мыналар кіреді:

    Қатысушылардың миының функционалдық жағдайына ЭЭГ зерттеулерін жүргізу, стрессті басқару бойынша коучинг ұйымдастыру, жаттығуларға қол жеткізу және тұрақты кері байланыс үшін онлайн платформа құру.

     Исағали Асылнұрға қалалық «Тәуелсіздік ұрпақтары» байқауында жеңіске жетуіне тілектеспіз!