Семиотика тұрғысынан визуалды антропология: ҚазҰУ-да онлайн семинар

Тұрақты даму мақсаттары шеңберінде №17. Тұрақты даму үшін серіктестік

2024 жылдың 1 қарашасында сағат 17:00-де «Визуалды-антропологиялық мәселелерді семиотикалық тұрғыдан оқу. Фото және киномәтінді (де)кодтау мәселесі» атты онлайн семинар өтті. Ұйымдастырушы - әл-Фараби атындағы ҚазҰУ Дүниежүзі тарихы, тарихнама және деректану кафедрасы.

Семинарды ҚазҰУ-дың шақырылған профессоры және Жаңа Сорбонна университетінің (Sorbonne Nouvelle — Paris) Кино және аудиовизуалды өндіріс зерттеулер институтының шақырылған зерттеушісі Васильева Виктория жүргізді.

Семинар барысында қатысушылар визуалды антропология мен семиотика әлеміне еніп, келесі мәселелерді талқылады:

• Мәдениетті семиотикалық тұрғыдан қабылдауда визуалды құжаттау технологияларының рөлі. Фотосурет пен кино шындықты бекіту құралдары ретінде тек қана көрсетіп қоймай, сонымен қатар таңдалған визуалды кодтар арқылы мәдениетті қабылдауымызды белсенді түрде қалыптастыратыны атап өтілді.
• Қолданылатын визуалды «тіл» тұрғысынан фотографиялық және кинематографиялық репрезентацияның ерекшеліктері. Қатысушылар фотосурет пен киноның «тілінің» ерекшеліктерін талдап, композицияға, ракурсқа, монтажға және кескіннің мағыналық жүктемесіне әсер ететін басқа да элементтерге назар аударды.
• Иконикалық белгі: функциялары мен қасиеттері. Бұл тақырып аясында иконикалық белгілердің табиғаты, объектілер мен құбылыстарды тікелей бейнелеу қабілеті, сондай-ақ мәдени кодтарды қалыптастырудағы рөлі қарастырылды.

Семинар факультеттің ППС, магистранттары мен докторанттарын қоса алғанда, кең аудиторияның назарын аударды. Қызу пікірталас пен пікір алмасу көтерілген мәселелердің өзектілігі мен маңыздылығын растады.

Іс-шараның онлайн форматы әр түрлі қалалар мен елдерден қатысушыларды тартуға мүмкіндік беріп, визуалды антропология мен семиотика саласында білімді таратуға және ғылыми диалогты дамытуға ықпал етті.