ТДМ-2: №10 студенттер үйінде «Аlma party» іс-шарасы ұйымдастырылды

Университетіміздің №10 студенттер үйінде тұрақы даму мақсаттарын жүзеге асыру үшін «Алма Party» іс-шарасы өтті. Іс-шараға «Қазақстан тарихы» кафедрасының меңгерушісі, тарих ғылымдарының докторы, профессор Б.Б. Кәрібаев және Тарих факультетінің оқытушылары, студенттері, магистранттары мен докторанттары қатысты. Бұл шара кафедра оқытушылары мен факультет студенттерінің басын қосып, өзара пікір алмасуға мүмкіндік берді. Оқытушылар алманың тарихы (апорт алмасының сорттары) туралы айтып, олардың пайдасы жайында әңгімелеп, студенттерге тың ақпараттар беріп, жағымды көңіл-күй сыйлап, өздерінің жылы лебіздерін білдірді. Кездесу барысында студенттер ән айтып, өз өнерлерін көрсетті. Шара соңында студенттерге апорт алмасы таратылды.