«Елбасының ерен еңбектері» атты халықаралық ғылыми семинар

«Шығыс әлемі» студенттік ғылыми-танымдық клубының аясында ҚазҰУ, Халықаралық қатынастар факультеті 1 Желтоқсан – Тұңғыш Президент Күніне арналған «Елбасының ерен еңбектері» атты халықаралық ғылыми семинар өткізді.

Іс-шараға «Түркі халықтары мәдени қорының» президенті, «Түркі әлемі» халықаралық газетінің Бас редакторы, профессор Ахмет Дағдұран, «Түркі халықтары мәдени қоры», Жастар комитетінің төрайымы, «Түркі әлемі» халықаралық газетінің тілшісі Арайлым Аймаханова, Түркия елінің азаматы, Шет тілдер және Іскерлік карьера Университетінің студенті Эрдем Бурджу, Ауғанстан елінің азаматы, Қазақ Бас сәулет-құрылыс Академиясының студенті Абдул Рашид Йолдаш, ф.ғ.к., доцент К.К.Смағұлова және Халықаралық қатынастар факультетінің 2-курс студенттері қатысты.

Елбасы Н.Ә. Назарбаевқа арналған ғылыми семинар Қазақстан Республикасының Мемлекеттік Әнұранымен ашылды. «Түркі халықтары мәдени қорының» президенті, профессор Ахмет Дағдұран жастарды іс-шараның салтанатты ашылуымен құттықтап, ғылым жолында шығармашылық табыстар тіледі.

Халықаралық қатынастар факультетінің «Халықаралық құқық» бөлімінің 2-курс студенттері Данил Гаврин, Мырзалы Далиев – «Н.Ә. Назарбаевтың өмірбаяны», Фариза Ильясова – «Н.Ә. Назарбаевтың қызмет жолы», Дана Жасұлан – «Елбасының қанатты сөздері», Айбек Сағидолла – Н.Ә. Назарбаевтың «Тарих толқынында» атты еңбектері бойынша баяндамалар оқып, презентациялар көрсетті. Түркия елінің азаматы, Шет тілдер және Іскерлік мансап Университетінің студенті, Эрдем Бурджу – «Елбасының Түркі әлемі жастарына көрсеткен қолдауы», Ауғанстан елінің азаматы, Қазақ Бас сәулет-құрылыс Академиясының студенті, Абдул Рашид Йолдаш – «Елбасы – біздің мақтанышымыз» атты мазмұнды баяндамаларын оқыды. «Халықаралық құқық» бөлімінің 2-курс студенттері Сымбат Тұрсынғали – «Ұлы тұлға» атты шығармашылық газетімен бөлісті, Гүлжан Төкеш – кинорежиссёр Рүстем Әбдірашевтің – ұлы мақсатқа бастар жолдағы Елбасының арманға толы балалығы мен жалынды жастық өмірі қамтылған ғұмырнамалық «Балалық шағымның аспаны» көркем туындысынан үзінді көрсетті.

Түркі халықтары мәдени қорының» президенті, профессор Ахмет Дағдұран ғылыми сайыста баяндама оқып, белсенді қатысқан студенттерді қор атынан «Мақтау қағазымен», «Шығыс әлемі» студенттік ғылыми-танымдық клубының жетекшісі, ф.ғ.к., доцент С.Б.Бөрібаеваны «Алғыс хат» және сыйлықпен марапаттады. Халықаралық қатынастар факультетінің «Шығыс әлемі» студенттік ғылыми-танымдық клубы атынан «Түркі халықтары мәдени қорының» президенті, «Түркі әлемі» халықаралық газетінің Бас редакторы, профессор Ахмет Дағдұранға және «Түркі халықтары мәдени қоры», Жастар комитетінің төрайымы, «Түркі әлемі» халықаралық газетінің тілшісі Арайлым Аймахановаға «Алғыс хат» табыс етілді.

Халықаралық қатынастар факультетінің «Шығыс әлемі»

студенттік ғылыми-танымдық клубының жетекшісі,

ф.ғ.к., доцент С.Б.Бөрібаева