ТДМ-5: Университетте «Ана мен бала» бөлмесі бар

Оқу ордамыз өзінің қызметкерлері, профессор-оқытушылар құрамы мен білім алушы жастары үшін барлық қажетті жағдайларды жоғары деңгейде жасауда.  Соның бір дәлелі – оқу ғимаратында «Ана мен бала» бөлмесінің болуы. Бұл бөлмені кішкентай баласы бар қызметкерлер, оқытушылар және студенттер қолдана алады.

«Ана мен бала» бөлмесі «Медицина және денсаулық сақтау» факультетіні оқу ғимаратының бірінші қабатында орналасқан. Бөлме ішінде баланың жөргегін ауыстыруға арналған үстел, бала емізуге, тамақтандыруға арналға орындықтар, үстел мен дивандар бар.  Сонымен қатар баланың көңілін аулауға, ақыл-ойын дамытуға арналған ойыншықтар мен түрлі-түсті бояу қаламдар мен арнайы тақта бар.

Университет осы арқылы аналар мен балаларға әрқашан қолдау көрсетіп, оларға қажетті барлық жағдайды жасайды.