«Жапонияның дәстүрлі мәдениеті» атты ашық дәріс өтті

Шығыстану факультеті, Қиыр Шығыс кафедрасының жапон бөлімінде Алматыдағы　 «Банк оф Токио-Мицубиси ЮФджей Лтд.» банкінің басшысы Хидеюки Асаноның «Жапонияның дәстүрлі мәдениеті» деген тақырыпта ашық дәрісі өтті.

Дәріске жапонтану бөлімінің оқытушылары, 1-4 курс студенттері қатысты. Хидеюки мырза алдымен Алматыдағы Мицубиси банкінің жұмысы жайлы мәліметтер келтірді. Дәріс барысында Жапонияның білім беру жүйесінің ерекшеліктері, жыл мезгіліне байланысты өткізілетін дәстүрлі мейрамдары туралы қызықты ақпараттар айтылды. Бұндай дәрістердің жапон бөлімінде жиі өткізіліп тұратынын атап өткен жөн. Жұмыс беруші кәсіпкерлермен бірлескен сапалы білім беру және университеттер арасындағы ынтамақтастықты одан әрі дамыту мақсатындағы осындай дәрістердің маңызы зор.