2015 жылдың 15 қараша күні Әл-Фараби атындағы ҚазҰУ жанындағы Конфуций институтының ұйымдастыруымен қытай иероглифтерін әдемі жазу - каллиграфия сайысы өтті. Байқауға қытай тілін оқып үйреніп жатқан еліміздегі барлық оқу орындарының студенттері қатысты.
Бұл сайыс осымен қатарынан үшінші жыл өтіп жатыр. Және болашақта дәстүрлі түрде өтетін халықаралық жарыстардың біріне айналатын реті бар. Шығыстану факультеті қытайтану кафедрасының студенттері мен магистранттары да бұл сайыстан қалыс қалып көрген жоқ. Осы жылы да қытайтану кафедрасының студенттері өте белсене қатысты. Нәтижесі де жаман болған жоқ. Каллиграфия сайысында қытайтану кафедрасының оқытушысы Абдурақын Нұрқалықтың жетекшілігімен бес бірдей студент жүлдегер атанды. Олар: Төкен Назерке, Аманбаева Фарида, Смағұл Шакура, Сартова Айнұр, Қабесова Мөлдір, Дастанбекқызы Гүлім. Қойбақова Айжанның жетекшілігімен Бекенова Әсем, Әзбаева Арай, Қазбек Исламбек, Сапарбаева Нұржанның жетекшілігімен Мырзагелдина Лаура, Аманова Фатима, Шәріпқазы Нүртәліптің жетекшілігімен Илип Айдана, Қуанбаева Анар жүлдегерлер сапына енді. Барлық жүлдегерлерді және оларды дайындаған оқытушыларды жетістіктерімен құттықтаймыз!
Басқа жаңалықтар
