Сапалы білім беруді қамтамасыз ету және оқу мүмкіндігін көтермелеу мақсатында 2024ж 29 қарашада Әл-Фараби атындағы Қазақ Ұлттық Университетінің Шығыстану факультеті Қиыр Шығыс кафедрасында, Корея Республикасының Білім беру орталығының қолдауымен және кафедра профессоры Ли Бен Джо мен эдвайзерлердің ұйымдастыруымен викториналық сайыс өткізілді.
Студенттердің мамандыққа деген ықыласы мен қызығушылығын арттыру бағытында «МЕН ЖӘНЕ КОРЕЯ» тақырыбы таңдалынды. Сайысқа 1 және 2 курс студенттері жеребе тарту арқылы 2 топқа бөлініп қатысты. Жалпы байқау үш кезеңнен тұрды. Бірінші кезеңде студенттер корей тарихы бойынша шағын лекция тыңдап, сұрақтарға жауап берсе, екінші кезеңде сөздік қорды тексеру мақсатында корей сөздеріне қатысты сұрақтар қойылды. Үшінші кезең студенттердің корей әндері бойынша білімдерін сынауға арналды. Студенттер жастар арасында танымал K-pop әншілеріне қатысты сұрақтарға жауап берді.
Студенттер іс-шара барысында белсенділік таныта отырып сұрақтарға жауап беру барысында жан-жақтылық көрсетті. Білім алушыларымызды іс шара соңында сыйлықпен марапаттауда назардан тыс қалмады.
Басқа жаңалықтар
