Өтеген Күмісбаевтың "Өнегелі өмірі"

Шығыстану факультеті, Таяу Шығыс және Оңтүстік Азия кафедрасы, ирантану бөлімі «Гүлістан» үйірмесінің ұйымдастыруымен Республикалық «Өнегелі өмір» атты сериялық кітаптар аясында жарық көрген ҚР Гуманитарлық және әлеуметтік ғылымдар академиясының, Жоғары мектеп Ғылым академиясының академигі, Қазақстан Жазушылар Одағының, ҚР Журналистер Одағының мүшесі, Филология ғылымдарының докторы, профессор, шығыстанушы, ақын, жазушы, педагог-ғалым Өтеген Күмісбаевтың өмірі мен шығармашылығына арналған кітаптың тұсаукесер рәсімі өтті.

Кеш қонақтары ретінде, филология ғылымдарының докторы, әл-Фараби атындағы ҚазҰУ-дың профессоры Бауыржан ЖАҚЫП ақынның шығармасына құтты болсын айта отырып, ҚР Үкіметі тарапынан «Құрмет» орденінің иегері болғандығы туралы қуанышты хабарды жеткізді.

Кеште филология ғылымдарының докторы, профессор, М.Әуезов атындағы Әдебиет және өнер институтының Бас ғылыми қызметкері Айгүл ІСІМАҚОВА, филология ғылымдарының докторы, Абай атындағы ҚазҰПУ профессоры Темірхан ТЕБЕГЕНОВ, филология ғылымдарының докторы, Сүлеймен Демирел атындағы университеттің профессоры Ислам ЖЕМЕНЕЙ, филология ғылымдарының докторы, профессор, М.Әуезов атындағы Әдебиет және өнер институтының Бас ғылыми қызметкері Гүлжаһан ОРДА, PhD, Р.Б.Сүлейменов атындағы Шығыстану институтының Ғалым хатшысы Болатбек БАТЫРХАН қатысып ақын, ғалымның қуанышына ортақтасып Ө.Күмісбаев туралы келелі ойларын оқытушылармен және студенттермен бөлісті.