Әл-Фараби атындағы ҚазҰУ қабырғасында профессор Н.Ә. Алдабектің кітаптарының тұсаукесері өтті.

Әл-Фараби атындағы Қазақ ұлттық университетінің профессоры, шығыстанушы, тарихшы Нұржамал Әбдіразаққызы Алдабектің мерейтойына арналған конференцияда оның кітаптарының нұсқаларының салтанатты таныстырылымы өтті.

Әл-Фараби атындағы ҚазҰУ баспасының қолдауымен профессордың «Қытай тарихы», «Талқыға толы Шыңжаң» атты негізгі ғылыми еңбектері қайта басылып, кең оқырмандар аудиториясына ұсынылды. Сонымен қатар, профессордың өмірі мен кәсіби жолына арналған «Ғибратты ғұмыр» сериясындағы кітап жарық көрді. Бұл отандық ғылымның дамуына және профессор Алдабек мұрасын сақтауға қосылған маңызды үлес. Оның еңбектері қазіргі заманғы тарих және шығыстану ғылымдары мен ғылыми қауымдастық үшін айрықша маңызға ие.

Іс-шараны ұйымдастырушылар мен барлық қатысушылар әл-Фараби ҚазҰУ баспасына осы маңызды шараға қосқан белсенді үлесі үшін шын жүректен алғыс білдіреді.