Қазақстан Республикасының Орталық мемлекеттік мұражайына cаяхат

05.12.2024 күні сағат 12:00-14:00 аралығында Аликбаева М.Б., “Мәдениеттану” мамандығының магистранты Набиева Н.Е. жетекшілігімен Тұрақты Даму мақсаттары мен “Cакралды орындарға саяхат” аясында “Мәдениеттану” мамандығының 1 курс студенттерімен Қазақстан Республикасының Орталық мемлекеттік мұражайына барды.

әл-Фараби атындағы Қазақ ұлттық университетінің студенттеріне Тұрақты дамудың мақсаттарының №4 “Сапалы білім беру” бағыты бойынша ақпарат беріліп, еліміздің мәдениеті мен тарихын танып, дүниетанымдарын кеңейтуіне мүмкіндік жасалынды.

Мұражайға бару мақсаты: өскелең ұрпақтың қызығушылығын ояту және мәдени ескерткіштер жайлы сапалы білім жинап, студенттердің ізденімпаздылығын, жан-жақтылығын дамыту үшін мүмкіндік жасау.

Қазіргі заман ағымымен мұражайларға бару сирек жағдайға айналып, жастардың мәдениет пен тарихқа үңілуі қалыс қалып бара жатқандықтан, мұражайлардағы сакралды да мәдени жәдігерлермен танысу – әр азаматтың борышы. Қазақстан Республикасының тұрақты дамушы, озық елдердің қатарына қосылуына жас ұрпақтың, жас мамандардың тигізер ықпалы зор.