«Рефлексивті зерттеулер: Қазақстанның экономикалық өркендеуіне жол» тақырыбындағы дөңгелек үстел

​Экономика және бизнес Жоғары мектебінде 2024 жылдың 11 желтоқсанында 16:00-де академик Я.Ә.Әубәкіров атындағы мәжіліс залында «Рефлексивті зерттеулер: Қазақстанның экономикалық өркендеуіне жол» тақырыбындағы дөңгелек үстел э.ғ.к., Экономика кафедрасының профессор м.а. Л.А. Бимендиеваныңұйымдастыруымен өткізілді. Дөңгелек үстел Экономика мамандығының 1-курс докторанттарының «Экономикалық өсу модельдері» пәнінің қорытынды сабағы ретінде ұйымдастырылды.

​Дөңгелек үстел отырысына Назарбаев УниверситетініңЖоғары Бизнес мектебінің кәсіпкерлік кафедрасыныңдоценті, Phd Анжан Гош қатысып «Bridging Local Insightswith Global Impact Through Reflexive Research» тақырыбында презентация жасады.

​Докторанттар теориялық білім алумен қатар, зерттеу тақырыбының экономикалық өсуге әсерін зерттеу тапсырмасын орындады және дөңгелек үстел отырысында нәтижелерді баяндауға және талқылауға мүмкіндік алды. 1 курс докторанттарының презентацияларын Аннан Гош мырза жоғары бағалады және ізденушілер зерттеу тақырыптары бойынша құнды ұсыныстар алды. Докторанттарға алғашқы зерттеу нәтижелерін ғылыми мақала ретінде жариялау ұсынылды.