Шығыстану факультетінің NIS бос орындар жәрмеңкесіне қатысуы

2024 жылғы 8 желтоқсанда Түркітану және Шығыс елдерінің тарихы кафедрасының аға оқытушысы Н.Н. Қайранбаева мен кафедра доценті Саваш Шахин ALUMNI NIS қауымдастығы ұйымдастырған бос орындар жәрмеңкесіне белсенді қатысты. Бұл маңызды іс-шара NIS мектептерінің түлектерін, жетекші жұмыс берушілер мен түрлі салалардағы танымал мамандарды бір алаңда тоғыстырды.

Жәрмеңке түлектер үшін ерекше мүмкіндік ұсынды: олар өзекті мамандықтармен танысып, маңызды сұрақтарға жауап алды, сондай-ақ шығыстану, шет тілдер филологиясы, халықаралық қатынастар және басқа да сұранысқа ие салалар туралы көбірек мәлімет алды. Қатысушылар, әсіресе, бакалавриат, магистратура және докторантура бағдарламаларына түсу мүмкіндіктеріне ерекше қызығушылық танытты.

Іс-шара барысында Н.Н. Қайранбаева шығыстану факультетінің білім беру бағдарламаларын таныстырып, студенттердің Шығыстың тарихы, мәдениеті мен тілдері туралы терең білім алуына мүмкіндік беретін факультеттің пәнаралық тәсіліне ерекше назар аударды.

Н.Н.Кайранбаева