Студенттер Рowerexpo көрмесінде болды

Алматы қаласында дәстүрлы Powerexpo көрмесі өтті. Халықара­лық көрме «Энергетика, электротехника және энергетикалық машина жасау» тақырыбына негізделген.

Powerexpo көрмесін фи­зи­ка-техникалық факультетінің Плазма физикасы, нанотех­но­логия және компьютерлік фи­зика кафедрасының «Электр энергетикасы» білім беру бағ­дарламасының студенттері кафедра оқытушылары же­тек­шілігімен тамашалады.

Powerexpo Алматы көр­ме­сіне 12 елден 186 компания қа­тысты. Оның ішінде Қазақстан, Австрия, Әзірбайжан, Бе­ла­русь, Германия, Италия, Қытай, Ре­сей, Таиланд, Түркия, Өзбек­стан және Чехия бар. Көрмеде ең соңғы заманауи жабдықтар, инновациялық әзірлемелер, соның ішінде жоғары вольтты және төмен вольтты жаб­дық­тар, жарықтандыру жабдық­та­ры, есепке алу, бақылау-өлшеу құралдары, автоматика және энергетика саласына арналған технологиялар ұсынылды.

 Көрмеде студенттер соңғы үлгідегі заманауи электр жаб­дық­тарымен және электр энер­­­гетикасы саласындағы озық технология жетіс­тік­те­рі­мен танысты. Халықаралық компаниялардың өкілдерімен кездесті. Кездесу мен диалог мазмұнды әрі қызықты өтті. Студенттер компания өкіл­де­ріне өздерін қызықтыратын сұрақтарын қойып, жауап ал­ды. Сондай-ақ заманауи соңғы үлгідегі электр жабдықтарының ерекшеліктері және ар­тық­шы­лық­тарымен танысты. Көрмеде студенттер отандық компа­ния­лардың өнімдеріне ерекше на­зар аударды. Білім алушы жас­тар көрмені тамашалау нә­­ти­жесінде таңдаған ма­ман­ды­ғының болашағы туралы ой түйіндеді.

Шолпан ӘБДИЕВА,

Әсем ӘМРЕНОВА,

ПФН және КФ кафедрасының аға оқытушылары