ТДМ №17: Тұрақты даму үшін серіктестік.

28-29.11.2024 ж. Жасанды интеллект және Big Data кафедрасының ұйымдастыруымен "Erasmus+ GreenTech Horizons Kick-off in Almaty, Kazakhstan" атты халықаралық конференция өтті. Бұл іс-шараға Қазақстан, Әзербайжан, Польша, Сербия, Латвия, Литва, Хорватия және Моңғолиядан келген жетекші сарапшылар қатысты.

Спикерлер өз елдеріндегі экологияны қорғау, жасыл технологияларды дамыту және тұрақты энергетика саласындағы озық тәжірибелерді ұсынды. Талқылаудың негізгі тақырыптары:

Инновациялық экологиялық шешімдер енгізу;

Жасыл экономиканың жаһандық дамуы;

Климаттық өзгерістерге бейімделу стратегиялары.

Кездесу барысында қатысушылар жаңа идеялармен бөлісіп, халықаралық ынтымақтастықты нығайту жолдарын қарастырды. Шара жасыл технологиялар мен экология саласында серіктестік құруға ықпал етіп, тұрақты даму идеясын кеңінен таратуға негіз болды.

"GreenTech Horizons" әлемнің түкпір-түкпірінен келген мамандарды біріктіріп, болашаққа жауапкершілікпен қараудың маңыздылығын айқындады.

            Жасанды интеллект және Big Data кафедрасының студенттері белсенділікпен қатысып, қонақтарға университетті таныстырып, мағұлматтар алмасып, ат салысты.

Ұйымдастырушылар: Кафедра меңгерушісі Мансурова Мадина Есимхановна, кафедра меңгерушісінің ғылыми-инновациялық жұмыс және халықаралық байланыстар жөніндегі орынбасары Сарсембаева Талшын Сағдатбекқызы, Кафедра аға куратор-эдвайзер: Шолпан Тлетайқызы, кафедра меңгерушісінің оқу-әдістемелік және тәрбие ісі жөніндегі орынбасары, куратор-эдвайзер: Базарбек Жания Пархатқызы