Ыстамбұл техникалық университетіндегі

ҚазҰУ ғалымдары мен Түркияның Ыстамбұл техникалық университеті ғалымдары бірлесіп 2024-2026 жж. арналған гранттық қаржыландыру конкурсында «Cулар мен ағынды суларды cонокаталитикалық тазарту үшін темірдің қабатты қос гидроксидтерінің синтезі және олардың нанозимдер ретінде антибактериалдық қасиеттерін зерттеу» жобасын ұтып алып, қазіргі таңда сәтті айналысып жатыр. 

Жоба жетекшісі – химия және химиялық технология факуль­те­тінің Физикалық химия, катализ және мұнайхимия кафедрасының доценті м.а. Нұрболат Құдай­бер­генов. Бұл серіктестік осыдан үш жыл бұрын басталған. Нұрболат Жарылқасынұлы мен Алиреза Кха­таее бірлесіп Scopus/Web of Science халықаралық базаларына кіретін 1-квартилді (Q1) жоғары рейтингті журналдарда 10-нан астам мақала жариялады. Аталған жоба аясында 10 зерттеуші-ғалым жұмыс істеуде. Оның ішінде екі шетелдік ғалым, бір докторант және екі магистрант бар. Гранттық қаржыландыру арқасында жоба зерттеушісі, химия және химиялық технология факультетінің 1-курс докторанты Алуа Аликеева Ыс­там­бұл техникалық универси­те­тінде екі апталық тағылым­да­ма­дан өтті. Тағылымдама ба­­ры­сында ағын­­ды суларды та­залауға арнал­ған жаңа қос­қа­батты гидрокси­д­терді синтездеп, олар­дың анти­бак­териялық қа­сиеттерін зерт­­теді. Сонымен қатар оларды заманауи физика-химиялық зерт­теу қон­дыр­­ғы­ла­рын­да анализдеді.

Еліміздің көшбасшы оқу ор­да­сының халықаралық аренада бе­делін арттыруда. Сондай-ақ БҰҰ ұсынған Тұрақты даму мақ­сат­тарын орындауда ғалым­да­ры­мыздың шетелдік белді универ­си­теттермен коллаборациясының маңызы өте зор. Сондықтан жоба жетекшісі мен орындаушыларына табыс тілейміз.

Гүлзат НҰРМОЛДАҚЫЗЫ