Жібек жолына қатысты халықаралық конференция

2015 жылы 3 желтоқсан күні Халықаралық қазақ-қытай тіл колледжінде Әл-Фараби атындағы Қазақ ұлттық университеті жанындағы "Қазіргі заманғы Қытайды зерттеу орталығы" Ш.Уәлиханов атындағы Тарих және этнология институты, Алматы қаласындағы колледжер қауымдастығы және Халықаралық қазақ-қытай тіл колледжі бірлесіп "Ұлы Жібек жолы және Қазақстан тарихы: кешегісі, бүгіні, ертеңі" атты Халықаралық ғылыми-теориялық конференция өткізді. Конференцияда "Ұлы Жібек жолының" тарихи орны мен рөлі және қазіргі таңдағы маңызы туралы, Қазақстан мен Қытай басшыларының Жібек жолын жаңғырту идеялары мен екі ел қатынастарының даму болашағы жөнінде кеңінен пікір алмасты. Конференцияда отандық, жан-жақтан келген қытайтанушы ғалымдармен бірге әл-Фараби атындағы ҚазҰУ, шығыстану факультеті қытайтану кафедрасының арнайы шақыртуымен келген қытайлық профессорлар Чжан Цзянхуа мен Сао Ясюндар да қатысып, баяндама жасады.