Ұлттық құрылтай құрамында ротация жасалды

Ақорда ұлттық құрылтай құрамына ротация жасалғаны туралы хабарлады.  Ұлттық құрылтай жұмысына жаңадан қоғам өкілдері тартылған:

• баспагер Раиса Сайран Қадыр;
• журналист, Qazaqstan телерадиокорпорациясының тележүргізушісі Ерқанат Көпжасарұлы;
• басқарма төрағасы – әл-Фараби атындағы Қазақ ұлттық университетінің ректоры Жансейіт Түймебаев;
• Президент Мұрағатының директоры Әлия Мұстафина;
• Қостанай автомобиль көлігі колледжінің басшысы Дмитрий Павленко;
• саяси шолушы Ғазиз Әбішев;
• Шығыс Қазақстан облысы Қоғамдық кеңесінің мүшесі Ольга Кузовлева.

Ақорда ротация аясында Ұлттық құрылтайдан Әли Бектаев, Оразғали Селтеев, Денис Рыпаков, Ақберен Елгезек, Исламбек Салжанов және Айдын Бикебаев кеткенін атап өтті.