ҚазҰУ докторанты Универсиаданың күміс медалін жеңіп алды

Әл-Фараби атындағы ҚазҰУ докторанты Аяулым Әміренова Туринде өтіп жатқан ХХХІІ Дүниежүзілік қысқы Универсиада ойындарының күміс медалін жеңіп алды.

Дүниежүзілік доданың ашылу салтанатында Мемлекеттік Туды  алып шыққан спортшымыз  – медицина және денсаулық сақтау факультетінің 1-курс докторанты, фристайл бойынша ұлттық құраманың мүшесі.       

Аяулым Әміренованың қоржынында  2017 жылғы Еуропа Кубогының кезеңдерінен бастап алтын, күміс және қола медальдары бар.

Сонымен қатар Пхёнчхан (2018) және Бейжің (2022) Олимпиада ойындарында Қазақстанның атынан қатысып, жоғары нәтижелер көрсеткен.

Жас спортшымызды кезекті жеңісімен құттықтаймыз!

Әл-Фараби атындағы ҚазҰУ Баспасөз қызметі