Жол көрсеткен ұстаздарыма мың алғыс

Қанат Тумыш, Қазақстан Республикасының Вьетнам Социалистік Республикасындағы елшісі:

Аса қадірлі 
Жансейіт Қансейітұлы!

Қазақстан Республи­касы­ның Вьетнам Социалистік Рес­пуб­ликасындағы елшілігінің атынан және жеке өз атымнан Әл-Фараби атындағы Қазақ ұлттық университетінің 90 жыл­дық мерейтойы және ҚазҰУ Түлектер қауым­дас­ты­ғы­ның 30 жылдық мерей­то­йы­мен шын жүректен құт­тық­тай­мын!
Аталмыш университеттен алған білімім үшін мың да бір рақмет айтқым келеді. Менің өмірден өз орнымды таба бі­луге жол көрсеткен ұстаз­да­рыма алғысым шексіз.
Тоқсан жылдық тарихы бар білім ордамыз ретінде ҚазҰУ бү­гінгі күні биік тұғырдан кө­рініп жүр. Әлемдік универ­си­теттер рейтингі бойынша ла­йықты орын алуда. Мыңдаған жо­ғары білікті мамандарды даярлап, білім беру саласында орасан зор тәжірибе жинақ­та­ды. Танымал университет ре­тін­де қалыптасу жолында күр­делі және үлкен белестерден өтті.
Түлектеріңіз тек Қазақстан Республикасының аймақ­та­рын­­­да ғана емес, сонымен қа­тар таяу және алыс шет­ел­дер­де қыз­мет атқарып жүр­генін, сон­дай-ақ жоғары бі­ліктілік, жа­уапкершілік, бі­лім­дарлық көр­се­тіп, ерек­ше­ленетіндерін үл­­кен мақ­та­ныш­пен атап өту қажет.
Киелі шаңырақтың мәр­те­бесі өсіп, биік белестерден кө­ріне білсін! Болашақ ұрпақтың алар білімі мол болсын дегім келеді.