ҚазҰУ делегациясы ректордың басшылығымен Баку Университетіне(Әзірбайжан) барып қайтты

Ағымдағы жылдың 20-23 желтоқсан аралығында ҚазҰУ ректоры академик Ғ. Мұтанов бастаған делегация Қазақстан Республикасының Азербайжан мемлекетіндегі елшілігінің шақыруымен, Баку университетінде Қазақ хандығының 550-жылдығы мен қазақтың ұлы жазушысы Абай Құнанбаевтың туғанына 170 жыл толу мерейтойына орай ұйымдастырылғын шараға қатысу мақсатында ресми сапармен болып қайтты.

Кездесу барысында делегация халықаралық конференцияға, "Қазақ хандығы: қайнар көздері, дәстүрі және мұрасы" жинағының тұсау кесер салтанатына және А. Құнанбаевтың 170-жылдығына арналған дөңгелек үстел жұмысына қатысты.

Сонымен қатар, делегация Абай атындағы Қазақ тілі, мәдениеті және тарихы ортылығында және Азербайжанның алдыңғы қатарлы университтерінде болды. Университеттер арасында өзара тиімді әріптестік қарым-қатынасты әрі қарай дамытуға қол жеткізіліп, Баку мемлекеттік университетімен ынтымақтастық туралы меморандумға қол қойылды.