«Донорлар өмір сыйлайды» қайырымдылық акциясы
6 ақпан 2025 жылы әл-Фараби атындағы ҚазҰУ-дың Философия және саясаттану факультетінде «Әсел Байсейітова атындағы Қайырымдылық Қоры» (ABFond) қоғамдық қорымен серіктестікте сүйек кемігі донорлығы туралы ашық дәріс және Тұрақты даму мақсаттары (ТДМ 3 «Сау денсаулық және амандық», ТДМ 17 «Даму мүддесіндегі жаһандық әріптестік») аясында «Донорлар өмір сыйлайды» қайырымдылық акциясы өткізілді.
Сүйек кемігі донорлығы туралы дәріс және «Донорлар өмір сыйлайды» қайырымдылық акциясы Дүниежүзілік обырға қарсы күрес күніне және Халықаралық онкологиялық науқас балалар күніне орай ұйымдастырылды.
Дүниежүзілік обырға қарсы күрес күнін Дүниежүзілік денсаулық сақтау ұйымы (ДДҰ) бастамасымен жыл сайын 4 ақпан кунi әлемнің барлық елдері атап өтеді, ал Халықаралық онкологиялық науқас балалар күні 2001 жылдан бастап 15 ақпанда 40-тан астам елде балалар онкологтары қоғамының қолдауымен өткізіледі.
Дәріс пен қайырымдылық акциясының мақсаты – ABFond қорының қызметін таныстыру, оның 1,5 жыл ішіндегі жетістіктерін көрсету және Қазақстан Республикасындағы сүйек кемігі донорлығының дамуы мәселелерін талқылау.
ABFond – Қазақстандағы және Орталық Азиядағы сүйек кемігі донорлығы институтын дамыту мен онкогематология саласында ағартушылық қызметті жүзеге асыратын алғашқы және әзірге жалғыз қоғамдық ұйым болып табылады.
Сүйек кемігі донорлығы туралы дәріс және «Донорлар өмір сыйлайды» қайырымдылық акциясы Алматы қаласының Республикалық қан орталығы (РҚО) дәрігерлерімен бірлесіп өткізілді.
Дәріске факультеттің 38 студенті мен оқытушылары қатысты.
Факультет деканы Б.Б. Мейрбаев құттықтау тілектерін жеткізіп, әлеуметтік-гуманитарлық мамандықтардың студенттері үшін саналы болудың, адамгершілік қағидаттарын ұстанудың және азаматтық жауапкершілікті сезінудің маңыздылығын атап өтті.
Дәрістен кейін 3 студент Ұлттық сүйек кемігі донорлары тізіміне қосылды.
Ұйымдастырушылар: жалпы және қолданбалы психология кафедрасының оқытушылары Кабакова М.П., Садвакасова З.М., факультет деканының орынбасары Осербаев Е.Н.
