Цифрлық дәуірде жетістікке жету жолы

Заманауи IT ше­­­шім­дері білім беру, денсаулық сақтау, қаржы секторы сияқты салаларда серпінді өзгерістер жасап жатыр. Сондықтан жас мамандардың осы саланы меңгеріп, инновациялық жобаларды дамытуы еліміздің жарқын болашағына кепіл болады.

Механика-математика факультетінің Матема­ти­ка­лық және компьютерлік мо­дель­деу кафедрасының 4-курс студенттері және IT ба­ғыты бойынша өз сала­сы­ның үздіктерінің қаты­суы­мен ерекше дәріс өтті. Шараға Ioka.kz плат­фор­ма­сының негізін қалаушы Жұ­маш Мағжан және Big Data бағытында табысты жо­ба­ларымен танылған Мәди Мұратұлы арнайы кел­ді. Олар студенттерге Ма­те­ма­ти­калық және ком­пью­тер­лік модельдеу ма­ман­ды­ғы мен IT ин­дус­трия­­сының қиылысқан ба­­­­ғыт­тары, болашағы ту­ра­лы жан-жақты мағлұмат берді.

Дәрістің басты мақсаты – цифрлық технология­лар­дың бизнес пен қоғамға тигізетін әсерін көрсету, сондай-ақ студенттердің бо­лашақ мамандықтарын нақты айқындауға шабыт­тан­дыру болды. Спикерлер жұмыс істеу бағыттары бо­йынша ақпаратпен кеңінен бөлісіп өтті. «Big Data – тек тех­нология емес, ол бизнес пен өмірді өзгертетін үлкен күш», – деді спикерлердің бірі.

Дәріс барысында Ioka.kz компаниясының негізін қа­лау­шылар заманауи плат­­фор­маларды құру­дағы тә­­жі­рибелері, қаржы тех­нологиялары, электрон­ды төлемдер және пайда­ла­нушыларға арналған ин­туитивті шешімдер туралы толыққанды ақпарат берді. Игеріліп жатқан ма­ман­дықтың салаға қоса алатын мүмкіндіктері жоғары еке­нін атап өтті. Ал Big Data са­ласындағы сарапшы де­рек­терді қолдану арқылы биз­нес шешімдерін қалай оңтайландыруға бола­ты­нын нақты мысалдармен көр­сетіп, студенттердің ме­ң­герген білімін қолдана алатынын жеткізді.

«Біз тек технологияны да­мытып қана қоймай, оны өміріміздің барлық сала­сы­на енгізе отырып, қоғамның сапалы дамуына үлес қо­суымыз керек», – деді сарап­шылар. Олар де­рек­терді дұрыс қолданудың денсаулық сақтау, білім беру және басқа да са­ла­лардағы маңызына ерекше тоқ­талды.

Студенттер кездесуде мамандардың бағалы ке­ңе­сін тыңдап, қызық­ты­рған сұрақтарына толық жауап алды. Спикерлер IT са­ла­сындағы қажетті дағдылар мен оларды дамыту жол­да­ры туралы нақты ұсыныстар бер­ді. Сонымен қатар дәріс барысында Ioka.kz плат­фор­масының мүмкіндіктері мен Big Data техно­ло­гия­ларының заманауи ше­шім­дері көрсетілді.

Мұндай кездесулер жастарды цифрлық тех­но­ло­гияларға қызықтырып қана қоймай, олардың бо­ла­шақта бұл бағытта жұмыс істеу мүмкіндігі зор екенін көрсетеді. «Біз үшін ең ма­ңыздысы – талантты жас­тар­ды анықтап, оларды ин­но­вациялық жобаларды жү­зеге асыруға ынта­лан­дыру», – деді компания бас­шылары.

Шара соңында сарап­шы­лар өз компанияларында тәжірибеден өтуге мүм­кін­дік бар екенін айтты.

Мақсат АХМЕТЖАНОВ,

Математикалық және компьютерлік модельдеу кафедрасы доцентінің м.а., PhD