ТДМ 17. Тұрақты даму үшін серіктестік

Теориялық және ядролық физика кафедрасының меңгерушісі ф.-м. ғ. д., профессор, ҚР ҰҒА академигі Медеу Ержанұлы Әбішев 15.11.2024 ж. мен 14.11.2025 ж. аралығында Сингапур Ұлттық Университетінде "Болашақ" бағдарламасы бойынша тағылымдамадан өтуде.

Осы кезеңде профессор М. Е. Әбішев Chia Ming Long коммерцияландыру кеңсесінің директоры, сондай-ақ оның командасымен кездесуде болды. Сингапурда университеттермен және әлемдегі жетекші компаниялармен бірлесіп құрылған бірнеше компаниялар бар. Мысалы, VLOSK71-Сингапурдың технологиялық стартаптар экожүйесінің және әлемдегі ең тығыз кәсіпкерлік экожүйенің орталығы. Олар ҚазҰУ профессоры Медеу Ержанұлы Әбішев ұсынған жобаларға қызығушылық танытып, жергілікті ғалымдармен және компаниялармен ынтымақтастықты ұсынды.