ҚазҰУ оқытушысы жоғары марапатқа ие болды
Әл-Фараби атындағы Қазақ ұлттық университетінде Ғылымдағы әйелдер мен қыздардың халықаралық күніне орай ғылым саласындағы әйелдердің еңбегі аталып өтті. Осы іс-шара аясында Түріктану және Шығыс елдерінің тарихы кафедрасының аға оқытушысы, PhD Кайранбаева Назым Нургельдиевна "Ерен еңбегі үшін" медалімен марапатталды.
Бұл жоғары марапат оның ғылым мен білім саласына қосқан елеулі үлесін мойындау болып табылады. Кайранбаева Назым Нургельдиевна көп жылдар бойы шығыстану ғылымы саласында белсенді зерттеулер жүргізіп, жас мамандарды даярлауға зор үлес қосып келеді. Ол ғылыми еңбектер жариялап, халықаралық конференцияларға тұрақты түрде қатысады.
Әріптестері мен студенттері оның жоғары кәсібилігін, өз ісіне деген адалдығын және кафедраның дамуына қосқан баға жетпес үлесін ерекше атап өтеді. Оның еңбегі – тек жас ғалымдар үшін ғана емес, ғылымға өзін арнаған әрбір адам үшін шабыт көзі. Осындай талантты әрі мақсаткер зерттеушілердің арқасында қазақстандық ғылым халықаралық деңгейге шығып, қарқынды дамып келеді.
Шығыстану факультеті мен Түріктану және Шығыс елдерінің тарихы кафедрасының ұжымы Кайранбаева Назым Нургельдиевнаны лайықты марапатымен шын жүректен құттықтайды! Денсаулық, жаңа ғылыми жетістіктер, алғыс білдіретін шәкірттер және кәсіби дамуда табыс тілейміз!
Түріктану және Шығыс елдерінің тарихы кафедрасы
Дулаева Эльнара Зильпикаровна
Халел Агнур
