Студенттер үйлерінің меңгерушілерімен жиналыс

    2025 жылдың 24 ақпанында университеттің студенттер үйлерінің меңгерушілерімен жиналыс өтті. Жиналыстың басты мақсаты – жатақхана жағдайын жақсарту, студенттердің тұрмыстық және оқу үдерісіндегі қажеттіліктерін ескере отырып, қызмет көрсету сапасын арттыру, сондай-ақ тәртіп мәселелерін талқылау болды.

      Жиналысқа университеттің жатақхана меңгерушілері, сондай-ақ студенттік қалашық әкімшілік өкілдері қатысты. Әрбір меңгеруші өз жатақханасының ағымдағы жағдайы туралы баяндап, студенттер арасында кездесетін қиындықтар мен мәселелерді атап өтті. Бөлмелердің жағдайы, санитарлық тазалық, қауіпсіздік шаралары және техникалық қызмет көрсету мәселелері жан-жақты қарастырылды.

     Жатақхана тәртібі де басты назарда болды. Меңгерушілер студенттер арасында ережелердің сақталуы, тәртіп бұзушылықтардың алдын алу мәселелерін талқылады. Алдағы уақытта студенттермен тікелей байланыс орнату, ережелерді түсіндіру және мәдениеттілік деңгейін арттыру үшін арнайы шаралар жоспарланды.