Ұлттық бірегейлікті сақтау мәселелері

Әл-Фараби атындағы ҚазҰУ-да «Цифрландыру жағдайында ұлттық бірегейлікті сақтау және ілгерілету» тақырыбында  стратегиялық сессия өтуде.

Іс-шара қазіргі әлемде қазақ мәдениетін, тілі мен дәстүрлерін дамытуға бағытталған тиімді шешімдерді әзірлеу үшін жетекші сарапшыларды, профессорларды, ғылым докторлары мен кандидаттарының басын қосты. Сессияның мақсаты – цифрлық технологиялар дәуірінде қазақ сәйкестігін сақтауға және насихаттауға бағытталған нақты ұсыныстар мен бастамаларды әзірлеу.

Іс-шарада философия және саясаттану факультетінің деканы, философия ғылымының кандидаты Бекжан Мейірбаев, саяси ғылымдар докторы, профессор, Саясаттану және саяси технологиялар кафедрасының меңгерушісі Гүлнар Насимова, Философия кафедрасының меңгерушісі, философия ғылымының кандидаты Әсет Құранбек, философия ғылымының докторы Берік Аташ және басқалар баяндама жасады.

Бірінші күні қатысушылар өзекті сын-қатерлерді талқылады, өз пікірлері мен ұсыныстарын ұсынды, сондай-ақ пікірталастар мен презентациялар барысында тәжірибе алмасты. Екінші күні нысаналы көрсеткіштерге қол жеткізу үшін тосқауылдарды, қайшылықтар мен кедергілерді анықтау сияқты мәселелер талқыланып, сессия жұмысын қорытындылау жоспарланып отыр.

Әл-Фараби атындағы ҚазҰУ-дың Баспасөз қызметі