«Медиа және қоғам: Маклюэннің теориялары және олардың қазіргі заманға әсері»
Философия кафедрасының магистранттары педагогикалық тәжірибеден өтуде
«Медиа және қоғам» пәнінен дәріскер, философия кафедрасының аға оқытушысы, PhD Досжан Балабекұлының практикалық жетекшілігімен магистрант Фариза Қайратқызы «Герберт Маршалл Маклюэнның Медиа теориялары» тақырыбында ашық дәріс және Маклюэнның «Медиа-хабар», «Жаһандық ауыл» концепциялары негізінде ашық семинар өткізді.
Ашық дәрісте біз канадалық философ, филолог, әдебиеттанушы, медиа және коммуникация теоретигі Маршалл Маклюэнның медиа концепцияларын талдай отырып, оның «Медианы түсіну: адамның сыртқы дамуы» кітабымен танысып, әр бөліміне тоқталып өттік. Маклюэннің пікірінше, «медиа» санатына адамның барлық сыртқы дамуы жатады және олар физикалық, әлеуметтік және мәдени кеңістіктегі адами затты түсіндіре отырып, адамның әлемге деген көзқарасын жария етеді деп тұжырымдайды. Сонымен қатар, дәрісте Маклюэнның «Ыстық және суық коммуникация құралдары» теориясын түсіндіріп өтті.
Ашық семинар барысында біз Маршалл Маклюэнның «Медиа - хабар», «Жаһандық ауыл» деген үлкен концепцияларын студенттермен бірге талдадық. «Жаһандық ауыл» концепциясында интернеттің дамуы, интернетаралық шекаралардың болмауы, мемлекет тұжырымдамалары айтылды. Сонымен қатар, постиндустриалды қоғамды қалыптастырудағы Д.Белл, Э.Тоффлер, З.Бжезинский, К.Гэлбрейттың философиялары туралы тоқтала келіп Маршалл Маклюэн да осы ұғымды жалғастыратындығын айта аламыз. Студенттер осы тақырыптар негізінде сұрақтарға жауап іздеді, әртүрлі танымдық ойындар жүргізілді. Ашық семинар сабағына практика жетекшісі философия кафедрасының аға оқытушысы, PhD Досжан Балабекұлы және философия кафедрасының доцент м.а, PhD, кафедра меңгерушісінің оқу-әдістемелік және тәрбие ісі жөніндегі орынбасары Жұмагүл Нұрдәулетқызы қатысып, жоғары бағалады.
