Қазақстан орталық синагогасына мәдени-танымдық сапар

2025 жылдың 31 наурызында әл-Фараби атындағы Қазақ ұлттық университетінің Философия және саясаттану факультеті, Дінтану мамандығының студенттері Қазақстан орталық синагогасына мәдени-танымдық сапар жасады. Іс-шара "Бейбітшілік, әділеттілік және тиімді институттар" (Тұрақты даму мақсаттарының №16 бағыты) аясында ұйымдастырылды.

Студенттер Қазақстан орталық синагогасының қызметімен де жақынырақ танысты. 2004 жылы ашылған бұл синагога тек діни ғибадат орны ғана емес, сонымен қатар мәдени және білім беру орталығы болып табылады. Мұнда күнделікті және мерекелік құлшылықтар өткізіліп, иудаизм бойынша дәрістер ұйымдастырылады, сондай-ақ қайырымдылық және әлеуметтік бағдарламалар жүзеге асырылады.

Сапардың маңызды бөлігі дінаралық диалог болды. Орталық синагога өкілдері мен студенттер арасында ашық сұхбат өтіп, діни сенім, дәстүр және толеранттылық мәселелері талқыланды. Қазақстанның көпконфессиялы қоғамында әртүрлі дін өкілдерінің бейбіт өмір сүруі мен өзара құрметінің маңыздылығы атап өтілді.

Қазақстан орталық синагогасына жасалған мәдени-танымдық сапар студенттерге иудаизмнің тарихы мен дәстүрлерін, сондай-ақ Қазақстандағы еврей қауымдастығының рөлін тереңірек түсінуге мүмкіндік берді. Сонымен қатар, бұл іс-шара толеранттылықты, рухани сабақтастықты және дінаралық диалогты дамытуға ықпал етті.

Іс-шараның ұйымдастырушылары:     
📌 Қаңтарбаева Ж.О. – философия ғылымдарының кандидаты
📌 Бегалинова К.К. – профессор, философия ғылымдарының докторы
📌 Р.А. Жамал – Исламтану мамандығының 1 курс магистранты

Бұл сапар дінтану саласындағы білімді тереңдетуге, заманауи қоғамдағы діни әртүрлілікке деген көзқарасты кеңейтуге және конфессияаралық келісімнің маңызын ұғынуға зор мүмкіндік берді.