Қонақжайлық – Ұлт Рухының Көрінісі

2025 жылғы 25 наурызда Тұрақты даму мақсаты №12 «Жауапты тұтыну және өндіріс» аясында «Қонақжайлылық – ұлт рухының көрінісі» тақырыбында пікірталас форматында талқылау шарасы өтті.

Дискуссия барысында қатысушылар қазақ қонақжайлылығын ұлттық брендке айналдыру мүмкіндіктерін, оның туризм мен экономикаға әсерін талқылады. Спикерлер мен сарапшылар қонақжайлылық дәстүрлері қазақ мәдениетінің ажырамас бөлігі екенін және олардың туристер мен инвесторларды тартуда маңызды рөл атқара алатынын атап өтті.

Дебат барысында көтерілген негізгі сұрақтар: Қонақжайлылық ішкі және халықаралық туризмді дамытуға қалай ықпал ете алады; Дәстүрлі қонақжайлылық мәдениетіне қандай заманауи технологияларды біріктіруге болады; Қазақ қонақжайлылығын халықаралық аренада ілгерілетудің тиімді стратегияларын қалай қалыптастыруға болады.

Ерекше назар дәстүрлі құндылықтар мен заманауи цифрлық шешімдердің синергиясына аударылды. Қатысушылар туристік инфрақұрылымды дамыту, бірегей қонақжай маршруттарын құру және Қазақстанды қонақжай ел ретінде таныту бойынша нақты бастамаларды ұсынды.